Mu rwego rwo kurushaho gufasha abakiriya kwihuta mu ikoranabuhanga, kwirinda  icyorezo  cya  Covid-19,  kugabanya  ihererekanya ry’amafaranga mu ntoki, no   kugabanya  umubare  munini  w’abatonda umurongo bajya  kubikuza ku cyuma  cya  ATM, ku wa 16 Kamena 2021, Equity  Bank yazaniye abakiriya bayo ikarita nshya ya Visa yiswe “Ikarita Ikora Hose”, ifasha abakiriya kwishyura  ibicuruzwa bitandukanye na serivisi ahantu hose.

Ikarita ikora hose ifasha umukiriya wa Equity Bank:

• Guhererekanya  amafaranga,
• Guhaha  mu maguriro  manini, amahoteli, amavuriro, kunywesha esansi  n’ibindi.
• Umutekano w’amafaranga y’umukiriya.

Umuyobozi   wa Equity Bank Rwanda, Hannington Namara   aherutse gutangariza  itangazamakuru ko  iyi banki yahisemo gushishikariza abantu gukoresha iyi karita mu rwego rwo gufatanya na Leta muri gahunda yo guteza imbere uburyo bwo kwishyurana hakoreshejwe ikoranabuhanga.

Yagize ati “Equity Bank Rwanda mu kunganira izindi ngamba igihugu gifite zo guteza imbere kwishyurana mu buryo bworoshye hakoreshejwe ikorabuhanga, ntacyo yimye abakiliya bayo n’abandi bose bifuza kwishyura bakoresheje uburyo bw’ikarita”.

NGAMIJE  Philibert  usanzwe ari  umukiriya wa  Equity Bank     akaba   ari umucuruzi mu murenge wa Mutete  mu  karere  ka   Gicumbi   aganira  na Wazoplus,  yashimangiye  ko  asanzwe   anyurwa  na serivisi  za  Equity Bank, bityo kuba   bashyiriweho  uburyo  bw’ikarita ikora  hose  ari iby’agaciro.  Yagize  ati:“Maze  imyaka 8 nkorana na Equity Bank nakoranye n’andi mabanki atandukanye ariko nasanze  iyi   banki ari ntamakemwa   kuko icya mbere serivisi zabo zitangirwa ku gihe kandi nibo bazi ko umukiriya ari umwami rero nkurikije uko nsanzwe nkorana nabo nishimiye ubu buryo bushya bwo gukoresha   ikarita ikora hose ibizatuma  duca  ukubiri   no   gutonda   umurongo   dutegereje  gukoza  mu cyuma.

Inyungu z’iyi karita ku mukiriya

Iyi karita ije isanga  uburyo busanzwe  bukoreshwa bwa Eazzy Banking butuma  ubasha  kwishyura ukoresheje telefoni ngendanwa kuko ukabitsa, ukabikuza, ugafungura  konti nshya n’ibindi  bitandukanye utavuye aho uri.

• Nta kiguzi cyo kwishyura bisaba, bivuze ko igiciro wishyura icyo uguze kidahinduka.
• Umutekano w’amafaranga  yawe uzaba wizewe 100%  kuko ari wowe uzajya ugira uruhare mu kuyakura ku ikarita yawe.

Uretse iyi  karita ifite umwihariko, Equity Bank Rwanda yanamuritse ikarita ya Visa izajya ishyirwaho amadolari gusa (Equity Bank Visa Gold Debit Card), aho bitazasaba uyikoresha kubanza kuvunjisha mu manyarwanda kugira ngo abone uko yishyura nk’uko byari bisanzwe bikorwa.

Equity Bank Rwanda isanzwe ifite uburyo bworohereza abakiriya bayo kubona serivisi bitabagoye harimo nka:

• Ikarita igufasha gukoresha amafaranga wabitse kuri konti yawe (Debit card),
• Ikarita ishyirwaho amafaranga y’inguzanyo, umukiriya akajya yishyura buri kwezi (Credit card) ndetse n’
• Ikarita ifasha umukiriya kubitsa amafaranga ku ikarita ye cyangwa akayavana ku ikarita imwe akayashyira ku yindi bitabaye ngombwa ko ajya kuri banki (Prepaid Card).

Umutekano w’amafaranga urizewe.

• Iyi karita ifite ikoranabuhanga rituma wishyura bidasabye ko winjiza ikarita mu ka mashini kazwi nka [POS]. Ahubwo ufata ikarita yawe ugakozaho, bakabasha kukwishyuza, ugashyiramo umubare wawe w’ibanga ukaba urishyuye.
• Ibi bitandukanye n’uburyo bwari busanzweho, aho ikarita yinjizwaga muri ako  kamashini.

Equity Bank Rwanda ni ishami ry’iyi banki y’ubucuruzi y’Ikigo cy’Ishoramari cya Equity Holdings Limited, yashinzwe mu Ukwakira 1984 nk’ikigo cy’ubwubatsi (Equity Building Society), izaguhinduka ikigo cy’imari mu 1993. Ifite icyicaro i Nairobi muri Kenya, ikagira amashami mu Rwanda, Kenya, Repubulika Iharanira Demokarasi ya Congo, Tanzania, Sudani y’Epfo na Uganda. Mu Rwanda iyi banki ifite amashami 15 ari hirya no hino  mu  turere, ndetse n’abayihagarariye (agents) mu bice  byose  by’igihugu.